«Яңа ел сандыгындагы сюрпризлар»: уен программасы (6+)

Кышкы каникуллар көнендә 17 нче санлы китапханәгә яшь китап сөючеләр килде. «Яңа ел сандыгындагы сюрпризлар» уен программасында күңел ачу, уеннар һәм көлү авазлары яңгырады. 

Балалар вакытларын күңелле һәм файдалы итеп уздырды: әлеге тылсымлы бәйрәмнең тарихы, төрле илләрдә яңа ел гореф-гадәтләре һәм йолаларының күптөрлелеге турында белде, бу темага китаплар белән танышты. Шуннан соң «Суык кыш» дигән күңелле викторинада, «Чыршыны бизә!», «Яшерелгән сүзләр», «Яңа ел башлыгы», «Кыш Бабаның котлавы» һ.б. бәйгеләрдә актив катнаштылар, кышкы әкиятләрне искә төшерделәр. «Музыкаль сандык» бәйгесе балаларга аеруча ошады, алар анда үзләре яраткан яңа ел җырларын җырларга тиеш булды. Яшь китап сөючеләр барлык биремнәрне уңышлы башкарып чыкты һәм татлы бүләкләр алды. «Без шарларны эләбез…» дигән яңа ел дискотекасы балаларга яхшы кәеф бүләк итте.